లిఫ్ట్‌లో డెలివరీ బాయ్‌పై దాడి.. విశాఖలో ఉద్రిక్తత

దిశ, వెబ్ డెస్క్: విశాఖ జిల్లా(Visakha District) సీతమ్మధార ఆక్సిజన్ టవర్స్(SeetammaDhara Oxyzen Towers) వద్ద ఉద్రికత్త చోటు చేసుకుంది. డెలివరీ బాయ్స్ ఆందోళనకు దిగారు. లిఫ్ట్‌లో డెలివరీ బాయ్‌పై దాడి చేశారంటూ ఆవేదన వ్యక్తం చేశారు. ఆర్డర్ డెలివరీ చేసే విషయంలో గొడవపెట్టుకుని దాడి చేశారని ఆరోపించారు. ఘటనపై ఎంవీపీ పోలీసులకు బాధితుడి ఫిర్యాదు చేశారు. నిందితుడిని కఠినంగా శిక్షించాలని డిమాండ్ చేశారు. రాత్రి, పగలు అనే తేడా లేకుండా కష్టపడుతూ సేవలందిస్తున్న తమపై ఇలా దాడులు చేయడం దారుణమని మండిపడ్డారు. బాధితుడికి న్యాయం చేయాలని డిమాండ్ చేశారు. దీంతో అపార్ట్‌మెంట్ పరిసరాల్లో గందరగోళం వాతావరణం నెలకొంది. బాధితుడి ఫిర్యాదు మేరకు కేసు నమోదు చేశారు. నిందితుడిని గుర్తించేందుకు స్థానిక సీసీ టీవీ ఫుటేజ్‌ను పరిశీలిస్తున్నారు. అయితే ఈ ఘటన స్థానికంగా కలకలం రేపింది.