Cyclone Montha : మంథా తుఫాను... భారీగా ఎగసిపడుతున్న రాకాసి అలలు

దిశ, వెబ్ డెస్క్ : మొంథా తుపాను కాకినాడ తీరం దిశగా దూసుకువస్తోంది. మంగళవారం రాత్రి మచిలీపట్నం - కళింగపట్నం సమీపంలో తీరం దాటే అవకాశం ఉంది. ఈ క్రమంలో కాకినాడ సముద్ర తీరంలో మీటరు ఎత్తున భారీ రాకాసి కెరటాలు ఎగసిపడుతున్నాయి. మరోవైపు వచ్చే 24 గంటల్లో 8 జిల్లాలకు ఆకస్మిక వరదల ముప్పు పొంచి ఉన్నట్లు వాతావరణశాఖ హెచ్చరికలు జారీ చేసింది. ఉమ్మడి జిల్లాలు విశాఖపట్నం, విజయనగరం, ప్రకాశం, శ్రీ పొట్టిశ్రీరాములు నెల్లూరు, అనంతపురం, చిత్తూరు, కడప జిల్లాల్లో ఆకస్మిక వరదలు సంభవించే అవకాశం ఉన్నట్లు అంచనా వేస్తున్నారు.