నటుడు మోహన్‌ బాబు యూనివర్సిటీలో ఫీజుల దోపిడీ! విద్యార్థి సంఘాల ఆందోళన

దిశ, డైనమిక్ బ్యూరో: సినీ నటుడు మోహన్ బాబు‌ యూనివర్సిటీలో విద్యార్థులు కిడ్నాప్ అయినట్లు ఆరోపణలు వినిపిస్తున్నాయి. విద్యార్థుల కిడ్నాప్ ఘటనకు సంబంధించి మోహన్ బాబుపై తిరుచానూరు పోలీస్ స్టేషన్‌లో కేసు నమోదు అయింది. ఈ క్రమంలోనే మంగళవారం విశాఖపట్నంలోని ఆంధ్ర వర్సిటీలో విద్యార్థి సంఘాలు ఆందోళన వ్యక్తం చేశాయి. ఏఐఎస్ఎఫ్ ఆధ్వర్యంలో వర్సిటీ ముందు మోహన్ బాబు దిష్టిబొమ్మ దహనం చేశారు. ఈ సందర్భంగా వారు మాట్లాడుతూ.. నటుడు మోహన్ బాబు యూనివర్సిటీలో జరుగుతున్న ఫీజుల దోపిడీని ప్రశ్నించినందుకు విద్యార్థి నాయకులను కిడ్నాప్ చేసినట్లు ఆరోపించారు. ​జీవో నెంబర్ 33 ప్రకారం ప్రభుత్వం నిర్ణయించిన ఫీజులను మాత్రమే వసూలు చేయాలని, అదనపు వసూళ్లను అరికట్టాలని నినాదాలు చేశారు. నిబంధనలకు విరుద్ధంగా వ్యవహరిస్తున్న మోహన్ బాబు యూనివర్సిటీ గుర్తింపును ప్రభుత్వం వెంటనే రద్దు చేయాలని విద్యార్థి సంఘాలు డిమాండ్ చేశాయి.