స్టూడెంట్స్‌కు గుడ్ న్యూస్.. పవన్ కల్యాణ్ సినిమా ఫ్రీగా చూసే అవకాశం

దిశ, వెబ్‌డెస్క్: పవన్ స్టార్ పవన్ కల్యాణ్(Pawan Kalyan) నటించిన హరిహర వీరమల్లు చిత్రం(Harihara Veeramallu Movie) ఈనెల 24వ తేదీన ప్రపంచ వ్యాప్తంగా ఐదు భాషల్లో విడుదలైంది. ప్రస్తుతం విజయవంతంగా థియేటర్లలో ప్రదర్శింపబడుతోంది. ఈ నేపథ్యంలో ఏపీలో రాజానగరం అసెంబ్లీ నియోజకవర్గ విద్యార్థులకు ఎమ్మెల్యే బత్తుల రామకృష్ణ(MLA Bathula Ramakrishna) గుడ్ న్యూస్ చెప్పారు. ‘నేడు జూలై 27 రోజున 9th, 10th, ఇంటర్, డిగ్రీ చదివే విద్యార్థుల కోసం కోరుకొండ, సీతానగరంలో రామకృష్ణ థియేటర్, గీతా సినిమాస్ థియేటర్‌లో హరిహర వీరమల్లు ఫ్రీ షో వేయనున్నారు. మొత్తం రెండు షోలు వేస్తున్నామని, ఈ అవకాశాన్ని స్టూడెంట్స్ వినియోగించుకోవాలని రాజానగరం ఎమ్మెల్యే బత్తుల రామకృష్ణ పిలుపునిచ్చారు. ఏఎం రత్నం నిర్మించిన ఈ సినిమాకు.. క్రిష్ జాగర్లమూడి, జ్యోతికృష్ణలు దర్శకత్వం వహించారు. పవన్ కల్యాణ్, నిధి అగర్వాల్ జంటగా నటించగా.. సత్యరాజ్, సునీల్ కీలకపాత్రలు పోషించారు. ఇందులో దివంగత నటుడు కోట శ్రీనివాసరావు సైతం కనిపించారు.