కోటి మంది సభ్యత్వాలు ఉన్న ఏకైక ప్రాంతీయ పార్టీ టీడీపీ - మంత్రి గొట్టిపాటి

దిశ, వెబ్‌డెస్క్: పల్నాడు జిల్లా నరసరావుపేటలో టీడీపీ మినీ మహానాడు (TDP Mini Mahanadu) కార్యక్రమం నిర్వహించింది. పట్టణంలోని భువనచంద్ర టౌన్ హాల్లో (Bhuvana Chandra Town Hall) నిర్వహించిన ఈ కార్యక్రమానికి మంత్రి గొట్టిపాటి రవికుమార్, చీఫ్ విప్ జీవీ ఆంజనేయులు, ఎంపీ లావు శ్రీకృష్ణదేవరాయలు హాజరయ్యారు. ఈ సందర్భంగా మంత్రి మాట్లాడుతూ.. కోటి మంది సభ్యత్వాలు ఉన్న ఏకైక ప్రాంతీయ పార్టీ టీడీపీ అని తెలిపారు. టీడీపీ కార్యకర్తల సంక్షేమంపై బాధ్యత తీసుకుంటుందని, ఏ కార్యకర్త ఆపదలో ఉన్నా ఆదుకుంటుందన్నారు. ఈనెల 27, 28, 29 తేదీల్లో కడపలో జరిగే మహానాడును అందరూ విజయవంతం చేయాలని పిలుపునిచ్చారు. అలాగే పార్టీని సంస్థాగతంగా బలోపేతం చేయాల్సిన బాధ్యత కార్యకర్తలపైనే ఉందని, కార్యకర్తలు, నేతలకు పార్టీ ఎప్పుడూ రుణపడి ఉంటుందన్నారు.