ఇద్దరు మైనర్లే.. అన్నమయ్య జిల్లా బురకాయలకోటలో అమానవీయ ఘటన

దిశ, డైనమిక్ బ్యూరో: అన్నమయ్య జిల్లా ములకలచెరువు మండలంలోని ఓ గ్రామంలో అమానవీయ ఘటన చోటుచేసుకుంది. జంతువుపై అనుచిత చర్యలకు పాల్పడ్డారన్న ఆరోపణలతో ఇద్దరు మైనర్లను పోలీసులు అదుపులోకి తీసుకున్నారు. వివరాల్లోకి వెళితే.. ఒక ఆవు దూడపై ఇద్దరు మైనర్లు అనుచితంగా ప్రవర్తించినట్లు అరోపణలు వచ్చాయి. ఈ ఘటనపై సమాచారం అందుకున్న వెంటనే పోలీసులు స్పందించి, సంబంధిత మైనర్లను కస్టడీలోకి తీసుకుని విచారణ ప్రారంభించారు.

చట్టపరమైన విధానాల ప్రకారం కేసు నమోదు చేసి, తదుపరి చర్యలు చేపడుతున్నారు. ఈ ఘటనపై స్థానిక ప్రజలు తీవ్రంగా స్పందించారు. ఇలాంటి అమానవీయ చర్యలకు పాల్పడిన వారిపై కఠిన చర్యలు తీసుకోవాలని డిమాండ్ చేస్తూ ఆందోళన వ్యక్తం చేశారు. కాగా, దీనిపై విచారణ పూర్తయ్యాక పూర్తి వివరాలు తెలియనున్నాయి.