BREAKING: ఏపీ లిక్కర్ స్కామ్.. దేశవ్యాప్తంగా ఈడీ సోదాలు

దిశ, వెబ్‌డెస్క్: సంచలనం సృష్టించిన ఏపీ లిక్కర్ స్కామ్ కేసుపై ఈడీ ఫోకస్ పెట్టింది. ఈ స్కామ్ లో దేశవ్యాప్తంగా భాగస్వాములైన వారి ఇళ్లపై దాడులు చేసింది. మద్యం స్కామ్ లో నిందితులుగా ఉన్నవారి ఇళ్లు, ఆఫీసులు, ఇతర సంస్థలు.. మొత్తం దేశంలో 20 ప్రాంతాల్లో తనిఖీలు చేపట్టింది. తెలంగాణలోని హైదరాబాద్ లోనే 8 ప్రాంతాల్లో విస్తృత సోదాలు నిర్వహిస్తోంది. తెలంగాణ, ఆంధ్రప్రదేశ్, తమిళనాడుతో పాటు కర్ణాటక, ఢిల్లీలోనూ ఈడీ అధికారులు పలువురి ఇళ్లు, కార్యాలయాల్లో సోదాలు చేస్తున్నారు.

ఈ కేసులో ఇప్పటికే సిట్ అధికారులు 12 మందిని అరెస్ట్ చేయగా.. ముగ్గురు ప్రస్తుతం బెయిల్ పై విడుదలయ్యారు. ఎంపీ మిథున్ రెడ్డి ఇటీవల టెంపరరీ బెయిల్ పై విడుదలై.. ఈనెల 11న మళ్లీ రాజమండ్రి సైంట్రల్ జైల్లో లొంగిపోయిన విషయం తెలిసిందే.