తగ్గేదే లే.. కొబ్బరికి ఆల్ టైం రికార్డు ధర

దిశ, పాలకొల్లు: కొబ్బరికాయలు ధర ఆల్ టైం రికార్డుకు చేరుకుంది. వెయ్యి కాయలు పెద్ద సైజు రూ. 28,000, చిన్న సైజు రూ.20,000 ధర పలుకుతున్నాయి. చెట్టు పైనుంచి దింపు తీసిన కార్మికునికి ఒక్కో కాయికి రూ. రెండు రూపాయలు తీసుకుంటున్నారు. ఒకవైపు తమిళనాడులో దిగుబడి తగ్గిపోవడం, మరోవైపు ఏపీలో కూడా అంతంత మాత్రమే కావడంతో పాటు దసరా పండుగ, సీజన్ కావడంతో ధర పెరుగుదలకు కారణమని వ్యాపారి కాపీశెట్టి నాగరాజు తెలిపారు. అయితే రాబోయే కాలంలో తగ్గే అవకాశం కూడా లేకపోలేదని ఆయన చెప్పారు. కాగా అత్యధిక ధర పలకడంతో రైతులు ఆనందం వ్యక్తం చేస్తున్నారు. ఎగుమతులు జోరుగా సాగుతున్నాయి.