Mock Drill: సైరన్ వినిపించగానే ఇలా చేయండి.. వీడియో పోస్ట్ చేసిన కేంద్రమంత్రి రామ్మోహన్

దిశ, డైనమిక్​ బ్యూరో : ఈరోజు మాక్ డ్రిల్ డే. సైరన్ వినిపించిన వెంటనే అప్రమత్తంగా ఉండండి అంటూ కేంద్ర మంత్రి కింజారపు రామ్మోహన్​నాయుడు (Rammohan Naidu) ట్విట్టర్​లో ప్రజలనుద్దేశించి ఓ పోస్టు చేశారు. ఇచ్చిన సూచనలను కచ్చితంగా పాటించాలని సూచించారు. సంసిద్ధత ప్రాణాలను కాపాడే శక్తిగా మారుతుంది అనే విషయాన్ని గుర్తుంచుకోవాలని ఆయన పేర్కొన్నారు. కేంద్ర హోంమంత్రిత్వ శాఖ మే 7న అన్ని రాష్ట్రాల్లో పౌర రక్షణలో సంసిద్ధతను పరిశీలించేందుకు మాక్ డ్రిల్స్ నిర్వహించాలని ఆదేశించింది. ఈ మాక్​డ్రిల్​ను హైదరాబాద్​తో (Hyderabad) పాటు ఏపీలోని విశాఖలో (Visakha)ఈ సాయంత్రం నాలుగు గంటలకు నిర్వహించనున్నారు. ఈ క్రమంలో కేంద్ర మంత్రి రామ్మోహన్​ ఒక వీడియోను విడుదల చేశారు. మాక్​డ్రిల్​సమయంలో ప్రజలు ఎలా స్పందంచాలనే వివరాలు ఈ వీడియోలో ఉన్నాయి.