కుక్కల దాడిలో జింకపిల్ల మృతి

దిశ, డైనమిక్ బ్యూరో: పార్వతీపురం మన్యం జిల్లా సీతానగరం మండలం గుచ్చిమి సోషల్ వెల్ఫేర్ పాఠశాల వద్ద జింకపిల్లపై కుక్కలు దాడికి పాల్పడ్డాయి. ఈ కుక్కల దాడిలో జింక పిల్ల తీవ్రగాయాలపాలైంది. ఈ విషయాన్ని గమనించిన స్థానికులు జింక పిల్లను ఫారెస్ట్ అధికారులకు అప్పగించారు. దీంతో ఫారెస్టు అధికారులు ఆస్పత్రికి తరలించి చికిత్సనందించారు. అయితే చికిత్సపొందుతూ జింకపిల్ల మృతి చెందింది. జింక పిల్లను పోస్టుమార్టం నిమిత్తం వైద్యుల వద్దకు ఫారెస్టు అధికారులు తరలించారు.