విశాఖ స్థానిక సంస్థల ఎమ్మెల్సీగా బొత్స సత్యనారాయణ ఏకగ్రీవం

దిశ, వెబ్‌డెస్క్: విశాఖ స్థానిక సంస్థల ఎమ్మెల్సీగా వైసీపీ నేత, మాజీ మంత్రి బొత్స సత్యనారాయణ ఏకగ్రీవంగా ఎన్నికయ్యేందుకు లైన్ క్లియర్ అయింది. ఎమ్మెల్సీ ఎన్నికకు మంగళవారం చివరి తేదీ కావడంతో పోటీకి దూరంగా ఉండాలని టీడీపీ నిర్ణయం తీసుకుంది. కాగా ఈ రోజు నామినేషన్ల ఉపసంహరణకు సమయం ఉండటంతో.. స్వాతంత్ర్య అభ్యర్థిగా ఉన్న షఫీ తన నామినేషన్ ను ఉపసంహరించుకున్నారు. దీంతో పోటీలో ఎవరు లేకుండా పోయింది. మరికొద్ది సేపట్లో బొత్స సత్యనారాయణను విశాఖ స్థానిక సంస్థల ఎమ్మెల్సీగా రిటర్నింగ్ అధికారి అధికారికంగా ప్రకటించనున్నారు.