ఏపీ ఉపాధ్యాయ అర్హత పరీక్ష హాల్ టికెట్లు విడుదల

దిశ, వెబ్ డెస్క్: ఏపీ ఉపాధ్యాయ అర్హత పరీక్ష హాల్ టికెట్లు విడుదల చేశారు. దరఖాస్తు చేసుకున్న అభ్యర్థలందరూ తమ హాల్ టికెట్లను http://cse.ap.gov.in, http://tet2dsc.apcfss.in ద్వారా డౌన్ లోడ్ చేసుకోవాలని కన్వీనర్ ఎం.వీ కృష్ణారెడ్డి తెలిపారు. ఆగస్టు 5 నుంచి ప్రతిరోజూ రెండు సెషన్లలో టెట్ పరీక్షలు నిర్వహించనున్నట్లు ఆయన తెలిపారు. మొదటి సెషన్ ఉదయం 9.30 గంటల నుంచి మధ్యాహ్నం 12 గంటల వరకు పరీక్ష ఉంటుందని, రెండో సెషన్ మధ్యాహ్నం 2.30 గంటల నుంచి సాయంత్రం 5 గంటల వరకూ పరీక్షలు జరుగుతాయని చెప్పారు. పరీక్ష రాసే అభ్యర్థులు గంట ముందే ఎగ్జామ్ సెంటర్లకు చేరుకోవాలని సూచించారు. జులై 15 నుంచి అధికారిక వెబ్ సైట్ లో ఆన్ లైన్ మాక్ టెస్టును అందుబాటులో ఉంచినట్లు ఎం.వి.కృష్ణారెడ్డి వివరించారు.