విద్యుత్ సమస్యలపై టోల్ ఫ్రీ నంబర్ : మంత్రి గొట్టిపాటి
రాష్ట్రంలో విద్యుత్ సమస్యల తక్షణ పరిష్కారం, వినియోగదారులకు ఎప్పటికప్పుడు సమాచారం అందించేందుకు వీలుగా ప్రభుత్వం సరికొత్త నిర్ణయం తీసుకుంది.
దిశ, వెబ్డెస్క్: రాష్ట్రంలో విద్యుత్ సమస్యల తక్షణ పరిష్కారం, వినియోగదారులకు ఎప్పటికప్పుడు సమాచారం అందించేందుకు వీలుగా ప్రభుత్వం సరికొత్త నిర్ణయం తీసుకుంది. విద్యుత్ ఫిర్యాదుల కోసం '1912' ప్రత్యేక టోల్ ఫ్రీ నెంబర్ను అందుబాటులోకి తీసుకువస్తున్నట్లు రాష్ట్ర ఇంధన శాఖ మంత్రి గొట్టిపాటి రవికుమార్ వెల్లడించారు. ఈ టోల్ ఫ్రీ నెంబర్ ద్వారా ప్రజలకు విద్యుత్ సరఫరా స్థితిగతులు, పునరుద్ధరణ సమయం వంటి వివరాలను ఎప్పటికప్పుడు చేరవేస్తామని ఆయన తెలిపారు.
ప్రకృతి వైపరీత్యాల వల్ల అంతరాయం - ప్రజలు సహకరించాలి
ప్రస్తుత వాతావరణ మార్పుల నేపథ్యంలో పలుచోట్ల విద్యుత్ అంతరాయం కలుగుతున్న మాట వాస్తవమేనని మంత్రి అంగీకరించారు. అక్కడక్కడా తలెత్తుతున్న ఇటువంటి సాంకేతిక, సహజసిద్ధ అంతరాయాలను ప్రజలు అర్థంచేసుకోవాలని ఆయన కోరారు. ముఖ్యంగా ఈదురుగాలుల కారణంగా చాలా ప్రాంతాల్లో విద్యుత్ లైన్లు దెబ్బతింటున్నాయని, ఒకవేళ ట్రాన్స్ఫార్మర్ కాలిపోతే దాని స్థానంలో కొత్తది ఏర్పాటు చేసి, సరఫరాను పునరుద్ధరించడానికి కనీసం 2 నుండి 4 గంటల సమయం పడుతుందని మంత్రి వివరించారు.
ప్రాణాలు పణంగా పెట్టి పనిచేస్తున్న సిబ్బంది
అత్యధిక ఉష్ణోగ్రతలు, తీవ్రమైన ఎండలు ఉన్నప్పటికీ విద్యుత్ శాఖ సిబ్బంది తమ ప్రాణాలను పణంగా పెట్టి అహర్నిశలు శ్రమిస్తున్నారని మంత్రి గొట్టిపాటి రవికుమార్ కొనియాడారు. విధి నిర్వహణలో భాగంగా సత్తెనపల్లిలో ఇటీవల ఇద్దరు విద్యుత్ సిబ్బంది ప్రమాదానికి గురై, ప్రాణాల మీదకు తెచ్చుకున్న ఉదంతాన్ని ఆయన గుర్తుచేశారు. క్షేత్రస్థాయిలో సిబ్బంది పడుతున్న కష్టాన్ని గుర్తించి, విద్యుత్ పునరుద్ధరణ ఆలస్యమైనప్పుడు వినియోగదారులు ఓపికతో సహకరించాలని మంత్రి ఈ సందర్భంగా విజ్ఞప్తి చేశారు.
విద్యుత్ సమస్యల పరిష్కారానికి 1912 టోల్ ఫ్రీ నెంబర్ తెస్తున్నామని మంత్రి గొట్టిపాటి రవికుమార్ తెలిపారు. వాతావరణ మార్పుల వల్ల పలుచోట్ల విద్యుత్ అంతరాయం వాస్తవమేనని అక్కడక్కడా తలెత్తుతున్న విద్యుత్ అంతరాయాలను ప్రజలు అర్థంచేసుకోవాలని కోరారు. ఈదురుగాలుల కారణంగా పలుచోట్ల సమస్యలు తలెత్తుతున్నాయని ట్రాన్స్ఫార్మర్ కాలిపోతే పునరుద్ధరణకు కనీసం 2 నుంచి 4 గంటలు పడుతుందని చెప్పారు. అధిక ఉష్ణోగ్రతలోనూ ప్రాణాలు పణంగా పెట్టి సిబ్బంది పనిచేస్తున్నారని సత్తెనపల్లిలో ఇద్దరు సిబ్బంది ప్రాణాల మీదకు తెచ్చుకున్నారని అన్నారు. టోల్ ఫ్రీ ద్వారా ప్రజలకు ఎప్పటికప్పుడు సమాచారం అందిస్తాంమని మంత్రి గొట్టిపాటి వెల్లడించారు.
