కళ్యాణదుర్గంలో క్షుద్రపూజలు కలకలం

దిశ కళ్యాణదుర్గం: అనంతపురం జిల్లా కళ్యాణదుర్గంలో క్షుద్ర పూజలు కలకలం రేపాయి. సిద్ధవంక కాలనీలో దొనస్వామి అనే వ్యక్తి ఇంటి ముందు గుర్తుతెలియని వ్యక్తులు నిమ్మకాయలు, పసుపు, కుంకుమ ఉంచి క్షుద్ర పూజలు చేశారు. దీంతో ఇంటి యజమాని, కాలనీ వాసులు భయాందోళనకు గురయ్యారు. ఈ విషయమై కాలనీవాసులు స్థానిక పోలీస్ స్టేషన్‌లో ఫిర్యాదు చేశారు. కేసు నమోదు చేసిన పోలీసులు స్థానిక సీసీ టీవీ ఫుటేజ్‌లను పరిశీలిస్తున్నారు.