రోడ్డు ప్రమాదంలో యువకుడి దుర్మరణం
విశాఖ నగరంలోని గోపాలపట్నంలో లక్కీ షాపింగ్ మాల్ వద్ద జరిగిన రోడ్డు ప్రమాదంలో ఓ యువకుడు దుర్మరణం పాలయ్యాడు.
దిశ, విశాఖపట్నం ప్రతినిధి: విశాఖ నగరంలోని గోపాలపట్నంలో లక్కీ షాపింగ్ మాల్ వద్ద జరిగిన రోడ్డు ప్రమాదంలో ఓ యువకుడు దుర్మరణం పాలయ్యాడు. కొత్తపాలెం ఆదర్శనగర్కు చెందిన ఉమ్మి వెంకట బాలాజీ(26) ఇవాళ ఉదయం స్కూటీపై వెళ్తుండగా రఘు ఇంజినీరింగ్ కాలేజ్ బస్సు ఢీ కొట్టింది. దీంతో బాలాజీ అక్కడికక్కడే మృతిచెందాడు. తన సోదరుడిని స్కూటీపై దించి ఇంటికి తిరిగి వస్తుండగా ప్రమాదం చోటుచేసుకుంది. పోలీసులు ఘటనా స్థలాన్ని పరిశీలించారు. కేసు దర్యాప్తు చేస్తున్నారు.
Next Story
