Ap: కొబ్బరి పీచు ఫ్యాక్టరీలో భారీ అగ్నిప్రమాదం

దిశ, వెబ్ డెస్క్: అంబేద్కర్ కోనసీమ జిల్లా(Ambedkar Konaseema District) ఆత్రేయపురం(Atreyapuram) మండలంలో భారీ అగ్నిప్రమాదం(Fire Accident) జరిగింది. కొబ్బరి పీచు ఫ్యాక్టరీ(Coir Factory)లో ఒక్కసారిగా మంటలు చెలరేగాయి. ఫైర్ సిబ్బంది సకాలంలో మంటలార్పడంతో పెను ప్రమాదం తప్పింది. అయితే ఈ ఘటన స్థానికంగా భయాందోళన కలిగింది. మంటలు చెలరేగిన సమయంలో పొగలు భారీగా అలుముకోవడంతో స్థానికులు ఉక్కిరిబిక్కిరి అయ్యారు. మంటలను అదుపు చేయడంతో అంతా ఊపిరి పీల్చుకున్నారు. అయితే ఎండలు తీవ్ర స్థాయిలో ఉన్నాయని, ఈ నేపథ్యంలో అగ్ని ప్రమాదాలు జరిగే అవకాశం ఉందని, ప్రతి ఒక్కరూ అప్రమత్తంగా ఉండాలని ఫైర్ సిబ్బంది సూచించారు. ప్రమాదం జరిగిన వెంటనే తమకు సమాచారం అందించాలని విజ్ఞప్తి చేశారు.