‘మహానాడు’లో అరుదైన దృశ్యం.. ట్రాన్స్జెండర్ని పక్కనే కూర్చోబెట్టుకున్న సీఎం
తెలుగుదేశం పార్టీ ప్రతిష్టాత్మకంగా నిర్వహించిన ‘మహానాడు’ వేదికపై అరుదైన, అందరినీ ఆకట్టుకున్న దృశ్యం ఆవిష్కృతమైంది. సీఎం చంద్రబాబు టీడీపీ అధినేత చంద్రబాబు సమాజంలో మార్పునకు ప్రతీకగా నిలిచిన ఒక ట్రాన్స్జెండర్ పట్ల చూపిన ఆదరణ అక్కడికి వచ్చిన వారందరి దృష్టిని విశేషంగా ఆకర్షించింది...
దిశ, వెబ్ డెస్క్: తెలుగుదేశం పార్టీ ప్రతిష్టాత్మకంగా నిర్వహించిన ‘మహానాడు’ వేదికపై అరుదైన, అందరినీ ఆకట్టుకున్న దృశ్యం ఆవిష్కృతమైంది. సీఎం చంద్రబాబు టీడీపీ అధినేత చంద్రబాబు సమాజంలో మార్పునకు ప్రతీకగా నిలిచిన ఒక ట్రాన్స్జెండర్ పట్ల చూపిన ఆదరణ అక్కడికి వచ్చిన వారందరి దృష్టిని విశేషంగా ఆకర్షించింది.
వర్షిణితో ప్రత్యేకంగా మాట్లాడిన సీఎం
ఈ కార్యక్రమంలో భాగంగా ట్రాన్స్జెండర్ వర్షిణితో సీఎం చంద్రబాబు ప్రత్యేకంగా మాట్లాడారు. కేవలం పలకరించడమే కాకుండా ఆమెను తన పక్కనే కూర్చోబెట్టుకుని చాలా ఆప్యాయంగా యోగక్షేమాలు అడిగి తెలుసుకున్నారు. సమాజంలో ఎన్నో సవాళ్లను ఎదుర్కొని ఈ స్థాయికి చేరిన వర్షిణిని చంద్రబాబు ఎంతో గౌరవించారు.
ఎమ్మెల్యే గళ్లా పీఏగా వర్షిణి
ప్రస్తుతం వర్షిణి టీడీపీ ఎమ్మెల్యే గళ్లా మాధవి వద్ద పర్సనల్ అసిస్టెంట్గా బాధ్యతలు నిర్వర్తిస్తున్నారు. సమాజంలో ఒక గౌరవప్రదమైన హోదాలో రాణిస్తూ, ఆమె అందిస్తున్న సేవలను, సాధించిన ఎదుగుదలను చంద్రబాబు ప్రత్యేకంగా అభినందించారు. ఈ ఘటన సీఎం మానవత్వాన్ని, సమాజంలోని అన్ని వర్గాలకు ఆయన ఇచ్చే ప్రాధాన్యతను చాటిచెప్పింది.
