విశాఖ స్టీల్ ప్లాంట్‌లో తప్పిన భారీ ప్రమాదం

దిశ, వెబ్ డెస్క్: విశాఖ స్టీల్ ప్లాంట్‌(Visakha Steel Plant)లో భారీ ప్రమాదం తప్పింది. కోకోవెన్ బ్యాటరీ(Cocoven Battery)-5‌లో ద్రావకం లీక్(Solvent leak) అయి ఒక్కసారిగా మంటలు చెలరేగాయి. లాడిల్ నుంచి ఉక్కు ద్రావకాన్ని తరలిస్తుండగా ఈ ఘటన జరిగింది. అప్రమత్తమైన కార్మికులు ఫైర్ సిబ్బందికి సమాచారం అందించారు. వెంటనే ఘటనా స్థలానికి చేరుకుని సకాలంలో మంటలార్పారు. ఎలాంటి ప్రాణ నష్టం జరగకపోవడంతో అంతా ఊపిరిపీల్చుకున్నారు. ఇటీవల కాలంలో ప్లాంట్‌లో ఎక్కువగా అగ్నిప్రమాదాలు జరగడంపై కార్మికులు ఆందోళన చెందుతున్నారు.