అంబేద్కర్ 125 అడుగుల విగ్రహావిష్కరణ అప్పుడే?
హైదరాబాద్లోని టాంక్బండ్ సమీపంలో దేశంలోనే ఎత్తయిన తీరులో అంబేద్కర్ విగ్రహాన్ని రాష్ట్ర ప్రభుత్వం ప్రతిష్టిస్తున్నది.
దిశ, తెలంగాణ బ్యూరో: హైదరాబాద్లోని టాంక్బండ్ సమీపంలో దేశంలోనే ఎత్తయిన తీరులో అంబేద్కర్ విగ్రహాన్ని రాష్ట్ర ప్రభుత్వం ప్రతిష్టిస్తున్నది. గతంలోనే శంకుస్థాపన చేసినా 125 అడుగుల ఎత్తులో విగ్రహాన్ని పెట్టే పనులు ముమ్మరంగా జరుగుతున్నాయి. రాష్ట్ర ప్రభుత్వం సుమారు రూ.147 కోట్లతో ఈ విగ్రహాన్ని ఏర్పాటు చేస్తున్నది. మార్చి నెల చివరినాటికి మొత్తం పనులు పూర్తయ్యి విగ్రహావిష్కరణ జరుగుతుందని మంత్రి హరీశ్రావు పేర్కొన్నారు. దీనికి తోడు కొత్త సచివాలయం సమీపంలోనే అమరవీరుల స్మారకచిహ్నాన్ని కూడా రూ.178 కోట్లతో నిర్మిస్తున్నది. త్వరలోనే ఇది కూడా ప్రారంభమవుతుందని పేర్కొన్నారు.