గుండెపోటుతో బాలీవుడ్ నటుడు మృతి

దిశ, సినిమా: బాలీవుడ్ నటుడు అమిత్ మిస్త్రీ కన్నుమూశారు. కార్టియాక్ అరెస్ట్‌తో తుదిశ్వాస విడిచారు. ఈ విషయాన్ని ట్విట్టర్‌ వేదికగా తెలిపిన నటి కుబ్రా సైత్.. అమిత్ కుటుంబానికి ప్రగాఢ సానుభూతి ప్రకటించింది. ‘క్యా కెహ్నా, షోర్ ఇన్ ద సిటీ, ఎక్ చాలిస్ కి లాస్ట్ లోకల్’ వంటి సినిమాలతో పాటు పలు టీవీ షోస్, సిరీస్‌ల్లో నటించిన మిస్త్రీ మంచి గుర్తింపు తెచ్చుకున్నారు. ఈ క్రమంలో కేవలం యాక్టర్‌గానే కాకుండా డైలాగ్ రైటర్‌, డైరెక్టర్‌గానూ టెలివిజన్‌తో పాటు బాలీవుడ్, గుజరాతీ సినిమాలకు సేవలందించారు. కాగా అమెజాన్‌ప్రైమ్‌లో విడుదలైన ‘బ్యాండిష్ బండిట్స్‌’ సిరీస్‌లో ఆయన చివరిసారిగా కనిపించారు.