విదేశీ మహిళపై అత్యాచారం

దిశ, వెబ్‎డెస్క్: అమెరికాకు చెందిన ఓ మహిళపై అత్యాచారానికి పాల్పడ్డాడు ఓ వ్యక్తి. ఈ ఘటన ఉత్తరాఖండ్‌లోని రిషికేశ్‎లో చోటుచేసుకుంది.

వివరాల్లోకి వెళ్తే.. అమెరికాకు చెందిన 37 ఏళ్ల మహిళ యోగా గురించి తెలుసుకునేందుకు 2017 నుంచి ఆధ్మాత్మిక పట్టణమైన రిషికేశ్‌లో నివసిస్తోంది. ఈ క్రమంలోనే ఆమెకు స్థానిక యువకుడైన అభినవ్ రాయ్‌తో పరిచయం ఏర్పడింది. ఈ నేపథ్యంలో అక్టోబర్ 5వ తేదీన బాల్కానీలో నుంచి తన ఇంట్లోకి ప్రవేశించి అత్యాచారానికి పాల్పడ్డాడని సదరు మహిళ పోలీసులకు ఫిర్యాదు చేసింది. రంగంలోకి దిగిన పోలీసులు దర్యాప్తు చేపట్టారు.

అయితే అభినవ్ రాయ్‎తో సదరు మహిళకు లైంగిక సంబంధం ఉన్నట్లు విచారణలో తేలిందని రిషికేశ్ పోలీసు అధికారి ఆర్కే సక్లానీ పేర్కొన్నారు. అమెరికా మహిళకు యోగా, డ్రగ్స్‎పై ఉన్న ఇష్టమే ఆమెను అభినవ్‎కు దగ్గర చేశాయని వెల్లడించారు. మరోవైపు తన కొడుకుపై పెట్టిన కేసును వెనక్కు తీసుకోవాలంటూ నిందితుడి తండ్రి ఒత్తిడి తెస్తున్నట్లు బాధిత మహిళ తెలిపింది.