కొవిడ్ పేషెంట్లతో స్టార్ కపుల్స్ డ్యాన్స్.. వీడియో వైరల్
దిశ, సినిమా: కన్నడ హీరో భువన్ పొన్నన్న, హీరోయిన్ హర్షిక పొన్నన్న కరోనా సమయంలో బాధితులను ఆర్థికంగా ఆదుకుంటున్నారు. భువనం ఫౌండేషన్ ఆధ్వర్యంలో ఆక్సిజన్ బస్, ఫ్రీ ఆటో అంబులెన్స్, టాక్సీ సర్వీస్ స్టార్ట్ చేసిన కపుల్స్.. కొవిడ్ పేషెంట్లలో పాజిటివిటీని నింపేందుకు ప్రయత్నిస్తున్నారు. ఈ క్రమంలోనే కర్ణాటక మడికెరిలోని ఓ హాస్పిటల్‌ను సందర్శించారు. అక్కడి రోగులను పరామర్శించి, ఆరోగ్య పరిస్థితి గురించి తెలుసుకున్న ఇద్దరు.. పేషెంట్ల ముఖాల్లో చిరునవ్వులు నింపేందుకు వారితో కలిసి డ్యాన్స్ చేశారు.
Thankyou Revan 🙏https://t.co/EjhEi6bWWv
— Harshika Poonacha (@actressharshika) June 1, 2021
కొడగు ఇనిస్టిట్యూట్ ఆఫ్ మెడికల్ సైన్సెస్ అనుమతితో కొవిడ్ పేషెంట్స్‌ను కలిసిన స్టార్ కపుల్స్.. రోగులపై వివక్ష చూపకూడదని తెలిపేందుకు ఈ ప్రయత్నం చేశామన్నారు. సంక్షోభ సమయంలో ఒకరినొకరు సపోర్ట్ చేసుకుందామని పిలుపునిచ్చారు. కరోనా పేషెంట్లు చాలా మంది మానసికంగా బలహీనంగా ఉన్నారని.. వారిలో ధైర్యం, విశ్వాసం నింపేందుకు తమ వంతు ప్రయత్నం చేశామన్నారు.
