‘ఆ కీచకులను వదిలే ప్రసక్తే లేదు’

దిశ, హుస్నాబాద్:
సస్పెండ్ అయిన ఉపాధ్యాయుడికి సహకరిస్తున్న నలుగురు టీచర్లపై విచారణ జరపాలని బీజేపీ నేత బద్దిపడగ జైపాల్ రెడ్డి అన్నారు. ఈ సందర్భంగా గురువారం మోడల్ స్కూల్ ప్రిన్సిపాల్ శ్రీదేవికి వినతి పత్రాన్ని అందజేశారు. ఈ కార్యక్రమంలో బీజేపీ నేతలు వెల్దండి సంతోష్, తదితరులు పాల్గొన్నారు.

సిద్దిపేట జిల్లా హుస్నాబాద్ మోడల్ స్కూల్‎లో పనిచేస్తున్న జక్కుల శ్రీధర్ అనే సైన్స్ టీచర్.. ఆన్‎లైన్ క్లాసుల పేరుతో ఓ విద్యార్థినికి అసభ్యకర మెసేజ్‎లు పోస్ట్ చేయడంతో ఇటీవల సస్పెండ్ అయిన సంగతి తెలిసిందే. సదరు టీచర్ విద్యార్థినికి పంపిన అసభ్యకర మేసేజ్‎లను మరో నలుగురు టీచర్లు జోక్యం చేసుకుని మెసేజ్‎లను డిలీట్ చేయడం ఏంటని బీజేపీ నేత జైపాల్ రెడ్డి ప్రశ్నించారు. ఈ అంశంపై సమగ్రమైన విచారణ జరిపించి కీచక ఉపాధ్యాయుడికి సహకరిస్తున్న టీచర్లపై చర్యలు తీసుకోవాలని.. లేనిపక్షంలో బీజేపీ ఆధ్వర్యంలో పాఠశాల ఎదుట పెద్దఎత్తున ఆందోళనలకు దిగుతామని హెచ్చరించారు.