ఓటీటీలోకి శర్వానంద్-కృతి ‘మనమే’ సినిమా.. స్ట్రీమింగ్ ఎప్పటి నుంచంటే?

దిశ, సినిమా: టాలీవుడ్ చార్మింగ్ స్టార్ శర్వానంద్, కృతి శెట్టి జంటగా నటించిన చిత్రం ‘మనమే’. దీనిని శ్రీరామ్ ఆదిత్య తెరకెక్కించగా.. ఇందులో సీరత్ కపూర్, రాహుల్ రవీంద్రన్, శివ కందుకూరి, ఆయేషా ఖాన్ కీలక పాత్రల్లో కనిపించారు. అయితే ఈ మూవీ జూన్ 7న విడుదలై మిక్స్‌డ్ టాక్‌ను సొంతం చేసుకుంది. కానీ శర్వా-కృతి జంటగా నటించిన సీన్స్ అందరినీ ఆకట్టుకున్నాయి. ఇదిలా ఉంటే.. తాజాగా, మనమే సినిమా ఓటీటీలో రిలీజ్ అయ్యేందుకు రెడీ అయినట్లు తెలుస్తోంది. ఈ మూవీ డిజిటల్ హక్కులు డిస్నీ ప్లస్ హాట్ స్టార్ దక్కించుకోగా.. జూలై 12 నుంచి స్ట్రీమింగ్ అందుబాటులోకి రానున్నట్లు సమాచారం. తెలుగు, తమిళ, హిందీ, మలయాళ, కన్నడ భాషల్లో స్ట్రీమింగ్ కానున్నట్లు టాక్. దీనిపై అధికారిక ప్రకటన విడుదల కావాల్సి ఉంది.