గంజాయి తరలిస్తున్న ఐదుగురు అరెస్ట్

దిశ, చెన్నూర్ : గంజాయి తరలిస్తున్న ఐదుగురిని పోలీసులు అరెస్ట్​ చేశారు. మంచిర్యాల జిల్లా చెన్నూర్ పట్టణ పోలీస్ ఆధ్వర్యంలో నిర్వహించిన పెట్రోలింగ్ లో భాగంగా కిష్టంపేట శివారులో అనుమానాస్పదంగా కనిపించిన ఐదుగురు యువకులను తనిఖీ చేయగా వారి వద్ద 90 గ్రాముల గంజాయి లభ్యమైంది. వారిని అదుపులోకి తీసుకుని వారి వద్ద ఉన్న 3 సెల్ ఫోన్ లు సీజ్

చేసి స్థానిక పోలీస్ స్టేషన్ కి తరలించి విచారణ జరిపించి కేసు నమోదు చేశారు. పట్టుబడిన వారిలో జనగామ రజినీకాంత్ , సయ్యద్ అజ్జు , దాసరి అరుణ్, జాడి సాయిపవన్, ఎండీ తోఫిక్ ఉన్నారు. నిషేధిత గుట్కా, గంజాయి, గుడుంబా తయారీ వంటి చట్టవ్యతిరేక కార్యకలాపాలకు పాల్పడితే చట్టపరమైన చర్యలు తీసుకుంటామని సీఐ రవీందర్ హెచ్చరించారు.