కర్ణాటకలో 24/7 దుకాణాలు.. కండిషన్స్ అప్లై!

దిశ, వెబ్‌డెస్క్ : దుకాణాలు, వాణిజ్య సముదాయాల్లో 10 లేదా అంతకంటే ఎక్కువ వ్యక్తులు పనిచేసే సముదాయాలు 24/7 నడిపించుకోవచ్చునని కర్ణాటక ప్రభుత్వం కీలక నిర్ణయం తీసుకుంది. ఇది మూడేళ్ల వరకు అమలులో ఉంటుందని శనివారం ప్రకటించింది. కరోనా నేపథ్యంలో విధించిన లాక్‌డౌన్ వలన ఇన్నిరోజులు వాణిజ్య సముదాయాలు నష్టాల్లో కూరుకుపోయాయి.

దీంతో కర్టాటక రెవెన్యూ కూడా భారీగా పడిపోయింది. ఈ క్రమంలోనే రాష్ట్రంలోని వ్యాపార సముదాయాలు 24/7 తెరిచి ఉంచేందుకు బీజేపీ ప్రభుత్వం పచ్చ జెండా ఊపింది. ఉద్యోగులు కూడా 8గంటల నుంచి 10గంటల వరకు పని చేసుకునే అవకాశం కల్పించింది. ఈ నిర్ణయం రాష్ట్ర ఆర్థిక వృద్ధికి దోహదపడుతుందని ప్రభుత్వం స్పష్టంచేసింది.