లారీ ఢీకొట్టడంతో మహిళ మృతి

దిశ, అమరావతి బ్యూరో: ద్విచక్ర వాహనాన్ని లారీ ఢీకొనడంతో ఓ మహిళా అక్కడిక్కడే మృతి చెందింది. ఈ ఘటన పశ్చిమ గోదావరి జిల్లా చింతలపూడి మండలం, దేశవరం వద్ద చోటు చేసుకుంది. వివరాల్లోకి వెళితే.. ద్విచక్ర వాహనం పై వస్తున్న సాధనాల కుమారిని (45) వేగంగా వచ్చిన లారీ ఢీ కొట్టింది. ఈ ప్రమాదంలో కుమారి అక్కడికక్కడే మృతి చెందింది. సమాచారం అందుకున్న పోలీసులు ఘటనా స్థలికి చేరుకుని మృత దేహాన్ని స్వాధీనం చేసుకున్నారు. మృతురాలి స్వస్థలం భీమడోలుగా గుర్తించారు.అనంతరం కేసు నమోదు చేసుకుని దర్యాప్తు చేస్తున్నట్టు వెల్లడించారు.