మేడారంలో మరో ఇద్దరి మృతి

తెలంగాణ కుంభమేళా మేడారం జాతరలో అపశ్రుతులు చోటుచేసుకుంటున్నాయి. గురువారం ఇద్దరు భక్తులు గుండెపోటుతో మృతిచెందారు. దీంతో జాతరకు వచ్చి ప్రాణాలు విడిచిన వారి సంఖ్య ఐదుకు చేరింది. జంపన్నవాగులో మునకలు వేస్తుండగా నర్సయ్య(65)కు ఛాతిలో నొప్పి వచ్చింది. ఈ విషయం కుటుంబ సభ్యులకు తెలుపగా, వారు దవాఖానకు తరలిస్తుండగా మార్గం మధ్యలో మృతిచెందాడు. వరంగల్ జిల్లా శివనగర్‌కు చెందిన గుండె వేణు(30) అనే యువకుడు కూడా జంపన్నవాగు సమీపంలో గుండెపోటుతో మృతిచెందారు.