బిహార్‌లో గుర్తుతెలియ‌ని జంతువు క‌ల‌క‌లం.. కుక్క‌లాంటి ముంగీస..?! (వీడియో)

దిశ‌, వెబ్‌డెస్క్ః భూమిపైన ఎన్నో ఆశ్చ‌ర్య‌క‌ర సంఘ‌ట‌న‌లు జ‌రుగుతుంటాయి. వాటిలో కొన్ని ఇదివ‌ర‌కెన్న‌డూ చూడ‌నివైతే మ‌రింత ఆస‌క్తిని రేకెత్తిస్తాయి. అలాంటి ఓ సంఘ‌ట‌న‌ బీహార్‌లోని ముజఫర్‌పూర్ జిల్లాలో చోటుచేసుకుంది. ఆ ప్రాంతం నుండి అంద‌ర్నీ ఆశ్చ‌ర్యానికి గురిచేసే వీడియో ఒకటి బయట‌కొచ్చింది. అక్కడ ఓ భ‌వ‌నంలోకి జొర‌బ‌డిన‌ వింత జంతువు కెమెరాకు చిక్కింది. ఈ వీడియోలో, జంతువు ఒక పాడుబడిన గదిలో తిరుగుతూ, త‌ప్పించుకోడానికి ప్రయత్నిస్తోంది. ముంగిస వంటి వేగం, కుక్క వంటి శ‌రీరం ఉన్న ఈ జంతువు గోడ‌కున్న‌ రాక్‌పైకి ఎక్కుతుంది. కొందరు దీనిని కుక్క అని పిలిస్తే, మరికొందరు ముంగిసగా భావిస్తున్నారు. మరికొందరు ఏదో తెలియ‌క అయోమయంలో పడ్డారు. ఈ వింత జంతువును చూడటానికి చాలా మంది ప్రజలు అక్కడ గుమిగూడారని హిందుస్థాన్ టైమ్స్ నివేదించింది. త‌ర్వాత‌, అట‌వీశాఖ‌ సిబ్బంది దీన్ని బంధించినట్లు తెలుస్తుంది. ఇంత‌కీ ఈ జంతువు ఏమైయుంటుంది?!

ఈ గ్రామంలో కుక్కలే కోటీశ్వరులు.. ఎలా సంపాదించాయంటే..