RGV కి ఏమైంది?

దిశ, వెబ్ డెస్క్ : సంచలన దర్శకుడు రామ్ గోపాల్ వర్మ (RGV) తన పుట్టినరోజు వేడుకల సందర్భంగా మరోసారి వార్తల్లో నిలిచారు. ఏప్రిల్ 8, బుధవారం నాడు ఆయన పుట్టినరోజు వేడుకలకు సంబంధించిన ఫోటోలు, వీడియోలు బయటకు రాగా, అందులో వర్మ మునుపెన్నడూ లేనంతగా అత్యంత సన్నగా, బలహీనంగా కనిపించడం అభిమానులను ఆందోళనకు గురిచేస్తోంది. స్టైలిష్ దుస్తులు ధరించి పార్టీలో సందడి చేసినప్పటికీ, ఆయన ముఖంలో మునుపటి వర్చస్సు తగ్గడం, శారీరకంగా చాలా కృశించిపోయినట్లు కనిపించడంతో ఆయన ఆరోగ్యంపై పలు అనుమానాలు, ఊహాగానాలు వెల్లువెత్తుతున్నాయి.

అయితే తన ఆరోగ్యం మరియు భౌతిక రూపంపై వస్తున్న వార్తలను వర్మ ఏమాత్రం పట్టించుకోకుండా తనదైన శైలిలో స్పందించారు. ప్రతి ఏటా తన పుట్టినరోజున మరణం గురించి మాట్లాడే ఆనవాయితీని కొనసాగిస్తూ, ఈసారి కూడా "చావుకు మరో ఏడాది దగ్గరయ్యాను" అంటూ వివాదాస్పద ట్వీట్ చేశారు. జీవితం, మరణం పట్ల తనకున్న భిన్నమైన ఫిలాసఫీని చాటుతూ ఆయన చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి. వర్మ నిజంగానే ఏదైనా అనారోగ్య సమస్యతో బాధపడుతున్నారా లేక తన కొత్త సినిమా ప్రాజెక్ట్ కోసం ఏమైనా మేకోవర్ అయ్యారా అనేది ప్రస్తుతానికి సస్పెన్స్‌గా మారింది.