ఎదురెదురుగా ఢీకొన్న ద్విచక్ర వాహనాలు.. ముగ్గురికి గాయాలు

దిశ, ములకలపల్లి: మండలంలోని పొగళ్లపల్లి గ్రామ శివారులో సోమవారం జరిగిన రోడ్డు ప్రమాదంలో ముగ్గురు వ్యక్తులు గాయపడ్డారు. స్థానికులు తెలిపిన వివరాల ప్రకారం ఆనందపురం గ్రామానికి చెందిన ఓ పాస్టర్ తన ద్విచక్ర వాహనం పై ములకలపల్లికి వస్తుండగా, గుండాలపాడు గ్రామానికి చెందిన ఇద్దరు మరో ద్విచక్ర వాహనం పై ములకలపల్లి నుంచి గుండాలపాడుకు వెళ్తున్నారు. ఈ క్రమంలో పొగళ్లపల్లి గ్రామ శివారులో రెండు వాహనాలు అదుపుతప్పి ఎదురెదురుగా ఢీ కొన్నాయి. ఈ ప్రమాదంలో ఇరు వాహనాల పై ప్రయాణిస్తున్న ముగ్గురికి గాయాలయ్యాయి. ప్రమాదాన్ని గమనించిన స్థానికులు వెంటనే స్పందించి క్షతగాత్రులను అంబులెన్స్‌లో భద్రాచలం ప్రభుత్వ ఆస్పత్రికి తరలించారు. వారి ఆరోగ్య పరిస్థితిపై పూర్తి వివరాలు తెలియాల్సి ఉంది. ఘటన పై పోలీసులు వివరాలు సేకరిస్తున్నారు.