ప్రాణం తీసిన అతివేగం.. అక్కడికక్కడే బాలుడు దుర్మరణం..

దిశ, మంథని: మితిమీరిన వేగంతో వెళ్తూ.. బైక్ అదుపు తప్పి కల్వర్టును ఢీకొట్టడంతో ఓ బాలుడు మృతి చెందాడు. పోలీసులు వివరాల ప్రకారం.. ఆదివారం రాత్రి మంథని మండలం సూరయ్యపల్లి గ్రామానికి చెందిన నారమల్ల ఆశిష్, గంగాపూరికి చెందిన జంజర్ల సాయి చరణ్ బైక్‌పై గంగాపురికి వెళ్తున్నారు. ఈ క్రమంలో ఓ మూల మలుపు వద్ద బైక్ అదుపు తప్పి కల్వర్టును ఢీకొట్టింది. ఈ ప్రమాదంలో వెనుక కూర్చున్న నారమల్ల ఆశిష్ (17) అక్కడికక్కడే మరణించగా.. సాయిచరణ్‌కు తీవ్ర గాయాలయ్యాయి. దీనితో కేసు నమోదు చేసుకుని దర్యాప్తు చేస్తున్నట్లు ఎస్ఐ చంద్ర కుమార్ తెలిపారు.