పాకిస్థానీ రిపోర్ట‌ర్‌కి చిర్రెత్తుకొచ్చింది.. చెంప ఛెళ్లుమంది..! (వీడియో)

దిశ‌, వెబ్‌డెస్క్ః ఉచితానుచితాలు మ‌రిచిపోయి, ఇష్టం వ‌చ్చిన‌ట్లు వ్య‌వ‌హ‌రిస్తే ప‌రిణామం ఇలాగే ఉంటుంద‌ని ఈ సంద‌ర్భం గుర్తుచేస్తుంది. ఓ పాకిస్థానీ మహిళా జర్నలిస్ట్ మైరా హష్మీ సీరియ‌స్‌గా ఒక కుటుంబానికి సంబంధించిన స‌మ‌స్య‌ను రిపోర్టు చేస్తున్నప్పుడు ఈ ఘ‌ట‌న చోటుచేసుకుంది. అక్క‌డ ఏం జ‌రుగుతుందో కూడా అర్థం చేసుకోకుండా ఓ అబ్బాయి అనుచితంగా ప్ర‌వ‌ర్తించ‌డంతో చెంపదెబ్బ తినాల్సి వ‌చ్చింది. ఈ వీడియో సోషల్ మీడియాలో వైరల్‌గా మార‌గా, ల‌క్ష‌ల్లో వ్యూవ్స్‌తో 'మంచిగా బుద్ది చెప్పావంటూ' చాలా మంది కామెంట్లు చేస్తున్నారు.

అయితే, మొదట్లో, ఆమె ఎందుకు అంత ఆగ్రహానికి గురైందో చాలా మందికి తెలియలేదు. ఆ యువకుడు ఏదో అనాలోచితంగా మాట్లాడాడని, దీంతో రిపోర్టర్ నిగ్రహాన్ని కోల్పోయిందని భావించారు. ఏది ఏమైన‌ప్ప‌టికీ, అలా కొట్ట‌డం భావ్యం కాద‌ని ఆమె ప్రవర్తనను కొంద‌రు విమర్శించ‌డంతో, మైరా హష్మీ వివరణ ఇచ్చారు. ఆ యువకుడు ఒక కుటుంబాన్ని వేధిస్తున్నాడని ఆమె ట్విట్టర్‌లో పోస్ట్‌లో పేర్కొంది. అతన్ని వారించ‌డానికి ప్రయత్నించినప్పటికీ అతని వల్ల కుటుంబం ఇబ్బందికి గురైంద‌ని చెప్పింది. ఈ ప్రవర్తన ఇక భరించద‌గిన‌ది కాదు అనుకున్న‌ప్పుడే అత‌న్ని కొట్టాల్సి వ‌చ్చింద‌ని స్ప‌ష్టం చేసింది.

So how was your day? pic.twitter.com/FqOxNNmlBc

— Naila Inayat (@nailainayat) July 11, 2022