WPL... RCB పై ముంబై విజయం

దిశ, వెబ్ డెస్క్ : వడోదరలో నేడు జరిగిన WPL మ్యాచ్‌లో బెంగుళూరుపై ముంబై విజయం సాధించింది. RCB చివారిదాకా పోరాడినప్పటికీ ముంబయి అద్భుతమైన ప్రదర్శనతో గెలుపును తన ఖాతాలో వేసుకుంది. టాస్ గెలిచి బ్యాటింగ్ ఎంచుకున్న ముంబయి నిర్ణీత 20 ఓవర్లలో 4 వికెట్లు మాత్రమే కోల్పోయి 199 పరుగులు చేసింది. ఈ ఇన్నింగ్స్‌లో బ్రంట్‌ అద్భుతంగా ఆడి సెంచరీ సాధించగా, ఓపెనర్‌ మ్యాథ్యూస్‌ 56 పరుగులతో అర్ధశతకం చేసి జట్టుకు బలమైన స్కోర్ అందించారు.

200 పరుగుల లక్ష్యంతో బరిలోకి దిగిన ఆర్సీబీ జట్టు ముంబయి బౌలర్ల కట్టుదిట్టమైన బౌలింగ్‌కు తట్టుకోలేక 20 ఓవర్లలో 9 వికెట్లు కోల్పోయి 184 పరుగులకే పరిమితమైంది. రిచా ఘోష్‌ ఒంటరిగా 90 పరుగులు చేసి పోరాటం చేసినప్పటికీ, మిగతా బ్యాటర్లు ఆశించిన స్థాయిలో రాణించలేకపోయారు. కాగా ముంబైకి ఇది మూడో విజయం కాగా, RCB కి ఇది వరుసగా రెండో ఓటమి.