బందీలో బాల్యం.. అధికారులకు కనిపించట్లేదా..?

దిశ, నల్లగొండ: విద్యావ్యవస్థలో ప్రభుత్వం ఎన్ని మార్పులు తీసుకొచ్చినా బందీగా మారిన బాలకార్మికులు మాత్రం మురికి కూపం నుంచి బయట పడటం లేదు. పేదరికం, కుటుంబ భారం, ఆర్థిక ఇబ్బందులతో తల్లిదండ్రులు తమ పిల్లల్ని బడికి పంపలేకపోతున్నారు. ఈ క్రమంలో తోటి విద్యార్థులతో కలిసి పాఠాలు వినాల్సిన కొంత మంది పసివాళ్లు బాలకార్మికులుగా మారుతున్నారు. ఇలాంటి హృదయ విదారకరమైన ఓ దృశ్యం నల్లగొండ జిల్లా కేంద్రంలో 'దిశ' కంటికి కనిపించింది. కలెక్టరేట్ బీటీఎస్ ప్రాంతంలో ఓ బాలుడు తన తండ్రితో కలిసి చెత్త కాగితాలు ఏరుకుంటున్నాడు. ప్రజాప్రతినిధులు, జిల్లా అధికారులకు ఇలాంటి దృశ్యాలు కనిపించినా పట్టిపట్టనట్లు వదిలేస్తున్నారని స్థానిక ప్రజలు విమర్శిస్తున్నారు.