ప్ర‌మాదం జ‌రిగితే కానీ ప‌ట్టించుకోరా..?

దిశ‌, ఇనుగుర్తి : ఇనుగుర్తి నుంచి అన్నారం వెళ్లే గుంటి చెరువు సమీపంలో గల కల్వర్టు రెండు సంవత్సరాల క్రితం వచ్చిన తుఫాన్ వల్ల కల్వర్టు చుట్టు మట్టి కొట్టుకుపోడడంతో ప్రమాదకరంగా మారింది. గురువారం అన్నారం నుంచి ఇనుగుర్తికి వస్తున్న‌ కారుకు తృటిలో ప్రమాదం తప్పింది. జేసీబీ సహయంతో కారు రోడ్డెక్కించారు. అధికారులు, ప్రజాప్రతినిధులు పలుసార్లు పరిశీలించారే తప్ప ప్రమాదాలు జరిగిన పట్టించుకోవడం లేదని ప్రయాణికులు, గ్రామస్థులు ఆగ్రహం వ్యక్తం చేస్తున్నారు. వర్షాలు పడితే కల్వర్టు కూలిపోయే ప్రమాదం ఉందని గ్రామస్థులు ఆవేదన వ్యక్తం చేస్తున్నారు.