BhuBharati : తెలంగాణ "భూభారతి" పోర్టల్ ప్రారంభం

దిశ, వెబ్ డెస్క్ : తెలంగాణ ప్రభుత్వం ఎంతో ప్రతిష్టాత్మకంగా ప్రవేశ పెడుతున్న "భూభారతి"(BhuBharati) పోర్టల్ ప్రారంభం అయింది. హైదరాబాద్ లోని శిల్పాకళా వేదికలో సీఎం రేవంత్ రెడ్డి(CM Revanth Reddy) ఈ పోర్టల్ ను ప్రారంభించారు. ఈ కార్యక్రమంలో డిప్యూటీ సీఎం భట్టి విక్రమార్క, మంత్రి పొంగులేటి శ్రీనివాస్ రెడ్డితో సహ పలువురు నేతలు పాల్గొన్నారు. తొలుత ఈ పోర్టల్ ను 3 మండలాల్లో(సాగర్, తిరుమలగిరి, కీసరలో) ప్రయోగాత్మకంగా అమలు చేయనున్నారు. జూన్ 2 నుంచి రాష్ట్ర వ్యాప్తంగా పూర్తి స్థాయిలో అమలు చేయనున్నారు. ఈ పోర్టల్ పై ప్రజల నుంచి వచ్చే సూచనలు తీసుకొని, అవసరమైన సవరణలు చేయాలని అధికారులకు సీఎం ఆదేశాలు జారీ చేశారు. ప్రతి జిల్లా కలెక్టర్ భూభారతి పోర్టల్ పై అవగాహన కలిగి ఉండాలని ఇదివరకే సీఎం అన్ని జిల్లాల కలెక్టర్లకు సూచించారు.