స్టార్టప్‌ల కోసం రూ.వెయ్యి కోట్లు : IT స్పెషల్ సీఎస్

దిశ, వెబ్ డెస్క్ : తెలంగాణ ప్రభుత్వం స్టార్టప్‌లను ప్రోత్సహించేందుకు ముందుకు వచ్చింది. ఇందుకోసం కోసం ₹1000 కోట్ల ఫండ్‌ను ఏర్పాటు చేయాలని రాష్ట్ర ప్రభుత్వం నిర్ణయించినట్టు సమాచారం. ఈ క్రమంలో రాష్ట్ర IT డిపార్ట్‌మెంట్ స్పెషల్ CS సంజయ్ కుమార్ వివరాలు వెల్లడించారు. కాగా వచ్చే జనవరిలో ఈ ఫండ్ ను ప్రారంభించనున్నట్లు తెలిపారు. తెలంగాణలో స్టార్టప్ ఎకో సిస్టమ్‌ను బూస్ట్ చేసేందుకు ఈ ఫండ్ ఉపయోగపడుతుందన్నారు. AIపై పనిచేసే స్టార్టప్స్‌పై ఫోకస్ చేస్తామని పేర్కొన్నారు.

తెలంగాణను లీడింగ్ గ్లోబల్ AI హబ్‌గా మార్చడమే తమ లక్ష్యమని CS సంజయ్ కుమార్ చెప్పారు. కాగా ప్రభుత్వం అందిస్తున్న ఈ ప్రోత్సాహకం వల్ల హైదరాబాద్ లో మరిన్ని స్టార్టప్ సంస్థలు నెలకొల్పడమే కాకుండా అనేక ఉద్యోగాలకు అవకాశం ఉంటుందని ఐటీ నిపుణులు చెబుతున్నారు.