నిర్మాతను కోర్టులో హాజరు పరిచిన పోలీసులు..

దిశ, రాజేంద్రనగర్ : డ్రగ్స్ తరలిస్తూ రెడ్ హ్యాండెడ్ గా పట్టుబడిన సినీ నిర్మాత కేపీ చౌదరిని మూడు రోజుల పోలీస్ కస్టడీ అనంతరం తిరిగి రాజేంద్రనగర్ కోర్టులో శుక్రవారం హాజరు పరిచారు. మూడు రోజుల పోలీస్ కస్టడీలో నిందితుడు కేపీ చౌదరి పలు వివరాలను వెల్లడించినట్లు సమాచారం.

మొదటగా కేపీ చౌదరికి ఆసుపత్రిలో వైద్యపరీక్షలు నిర్వహించి అనంతరం పోలీసులు రాజేంద్రనగర్ కోర్టుకు తరలించారు. డ్రగ్స్ ఎక్కడి నుండి తీసుకొస్తుంది, ఎవరికి సరఫరా చేస్తున్న విషయాలను చౌదరి పోలీసులకు వివరించినట్లుగా సమాచారం. విచారణలో వెల్లడించిన వివరాల ఆధారంగా దర్యాప్తు చేపట్టనున్నామని రాజేంద్రనగర్ పోలీసులు తెలిపారు.