వివాహితను వేధించిన వ్యక్తికి రిమాండ్

దిశ, నవాబుపేట: వివాహితను వేధించిన కేసులో ఓ వ్యక్తిని అరెస్ట్ చేసి రిమాండ్ కు పంపిన ఘటన మంగళవారం కొందుర్గు మండలం ఆగిర్యాల గ్రామంలో చోటుచేసుకుంది. వివరాల్లో్కి వెళితే.. నవాబుపేట మండల పరిధిలోని ఓ గిరిజన తండాకు చెందిన ఓ వివాహితను ప్రేమిస్తున్నానని, తనను పెళ్లి చేసుకోవాలని కొందుర్గు మండలం ఆగిర్యాలకు చెందిన గూడెపు శ్రీనివాసులు తరచూ వేధిస్తున్నాడు. బాధితరాలి ఫిర్యాదు మేరకు నిందితుడిపై కేసు నమోదు చేసుకొని అరెస్ట్ చేసి రిమాండ్ కు తరలించినట్లు ఎస్సై పురుషోత్తం తెలిపారు.