పదవీ, పైసలు రేవంత్ రెడ్డికేనా..? కాకపుట్టిస్తున్న కోమటిరెడ్డి వ్యాఖ్యలు

దిశ, సంస్థాన్ నారాయణపురం: మునుగోడు ఎమ్మెల్యే కోమటిరెడ్డి రాజగోపాల్ రెడ్డి సీఎం రేవంత్ రెడ్డి పై హాట్ కామెంట్స్ చేశారు. మంగళవారం యాదాద్రి భువనగిరి జిల్లా సంస్థాన్ నారాయణపురం మండలం చిమిర్యాల గ్రామంలో 33/11 కేవి శంకుస్థాపన చేసిన సందర్భంగా ఆయన మాట్లాడారు. ముఖ్యమంత్రి రేవంత్ రెడ్డి నియోజకవర్గం కొడంగల్‌కు 5000 కోట్ల రూపాయల నిధులు తీసుకుపోయిన నుండి తనకు నిద్రపట్టడం లేదని రాజగోపాల్ రెడ్డి అన్నారు. పదవి, పైసలు అన్ని ఆయనే తీసుకుపోతున్నారని, కనీసం పదవి లేకున్నా పైసలు మునుగోడుకు రావాలి కదా అని కామెంట్ చేశారు. మునుగోడు నియోజకవర్గ అభివృద్ధి కోసం తాను రాజీపడేది లేదని డిసైడ్ అయ్యానని, మీరు కూడా (ప్రజలు) డిసైడ్ అయ్యారా లేదా అంటూ ప్రశ్నించారు.