తాచు పాముల హల్చల్

దిశ, చుంచుపల్లి: లక్ష్మీదేవి పల్లి మండలం శ్రీనగర్ లో ఓ ఇంట్లో సోమవారం తాచు పాము రావడం తో సదరు కుటుంబ సభ్యులు భయాందోళన చెందారు. వెంటనే స్నేక్ రెస్క్యూ టీం సంతోష్ కి సమాచారం ఇచ్చారు. ఆయన అక్కడికి చేరుకొని ఇంట్లో ఉన్న తాచు పాముని చాకచక్యంగా పట్టుకున్నారు. అటు లక్ష్మీదేవి పల్లి మండలం లోతువాగు వద్ద మరొక ఇంట్లో పాము ఉందని సమాచారం రావడంతో, అక్కడ కూడా వెళ్లి త్రాచుపామును ప్రాణదార స్నేక్ రెస్క్యూ టీం సభ్యులు పట్టుకుని అడవిలో వదిలేశారు. ఈ సందర్భంగా సంతోష్ మాట్లాడుతూ పాములు కనబడితే తమకు సమాచారం అందిస్తే సురక్షితంగా వాటిని పట్టుకొని అడవులలో వదిలేస్తామని తెలిపారు.