హైదరాబాద్‌లో రేవ్ పార్టీ.. 8 మంది అమ్మాయిలు.. 18 మంది అబ్బాయిల అరెస్ట్

దిశ, వెబ్ డెస్క్: హైదరాబాద్‌లో మత్తు కల్చర్ నానాటికి పెరిగిపోతోంది. యువతీ, యువకులు గంజాయి, డ్రగ్స్‌కు అలవాటు పడిపోతున్నారు. రేవ్ పార్టీల పేరుతో గుప్పుగుప్పుమని లాగించేస్తున్నారు. తాజాగా హైదరాబాద్‌లో నిర్వహించిన ఓ రేవ్ పార్టీలో గంజాయి కలకలం రేపింది. సాఫ్ట్‌వేర్ ఉద్యోగులు రేవ్ పార్టీ నిర్వహిస్తున్నారన్న సమాచారం తెలుసుకున్న పోలీసులు గచ్చిబౌలిలోని ఓ గెస్ట్ హౌస్‌పై దాడి చేశారు. పెద్ద ఎత్తున గంజాయి, మద్యం సేవిస్తున్న 8 మంది అమ్మాయిలు, 18 మంది అబ్బాయిలను పోలీసులు అరెస్ట్ చేశారు. ‘‘రేవ్ పార్టీ ఎవరు నిర్వహించారు. గంజాయి ఎక్కడి నుంచి వచ్చింది. ఇంతకుముందు ఎన్నిసార్లు పార్టీలు నిర్వహించారు. పార్టీ వెనుక ఉంది ఎవరు?.’’ అనే కోణంలో పోలీసులు విచారణ జరుపుతున్నారు.