ఎంపీ డీకే అరుణ ఇంట్లోకి ఆగంతకుడు.. పోలీసుల దర్యాప్తు ముమ్మరం

దిశ, సిటీక్రైం : మహబూబ్ నగర్ ఎంపీ, బిజేపీ జాతీయ ఉపాధ్యక్షురాలు డికే అరుణ ఇంట్లోకి ఆదివారం తెల్లవారుజామున గుర్తు తెలియని అగంతకుడు ప్రవేశించి దాదాపు అర గంట పాటు ఇంట్లోనే తిరిగిన సంఘటనపై హైదరాబాద్ పోలీసులు సీరియస్ గా తీసుకున్నారు. ఈ నేపధ్యంలోనే సోమవారం హైదరాబాద్ పోలీసు కమిషనర్ సీవీ ఆనంద్ జూబ్లీ హిల్స్ రోడ్డు నెం. 56 లో డికే అరుణ ఇంటికి వెళ్ళి పరిశీలించారు. దుండగుడు ఇంట్లోకి ప్రవేశించి , తిరిగి ఏలా వెళ్ళిపోయాడనే కోణంలో సీపీ ఆరా తీశారు. అదే విధంగా డికే అరుణ ఇంటి వద్ద భద్రత కు సంబంధించిన పలు సూచనలను స్థానిక పోలీసు అధికారులకు సీపీ సూచించారు. ఈ సంఘటనను దర్యాప్తు చేస్తున్న పోలీసులు అగంతకుడిని పట్టుకునేందుకు ప్రత్యేక టీం లను రంగంలోకి దింపారు.

Read More..

అగ్నివీర్‌ నియామక ర్యాలీకి దరఖాస్తు చేసుకోవాలి