Hyderabad:హైదరాబాద్‌లో దంచికొడుతున్న వర్షం

దిశ,వెబ్‌డెస్క్: హైదరాబాద్‌(Hyderabad)లోని పలు ప్రాంతాల్లో భారీ వర్షం(Heavy Rains) కురుస్తోంది. బంగాళాఖాతంలో ఏర్పడిన అల్పపీడనం(Low Pressure) ప్రభావంతో నగరంలో వర్షం దంచికొడుతోంది. ఈ క్రమంలో అబిడ్స్, బంజారాహిల్స్, జూబ్లీహిల్స్, మాదాపూర్, మణికొండ, నాంపల్లి, అల్వాల్, పంజాగుట్ట, అమీర్‌పేట్, యూసుఫ్‌గూడ, లక్డీ కపూల్, ఉప్పల్ ప్రాంతాల్లో కుండపోత వర్షం కురుస్తోంది. అలాగే మేడిపల్లి, బోడుప్పల్ తదితర ప్రాంతాల్లో చిరుజల్లులు కురుస్తున్నాయి. అయితే బుధవారం ఉదయం నుంచి ఈ రోజు వరకు వాతావరణం చల్లగానే ఉంది. చలికాలంలో వర్షం పడుతుండటంతో చలి తీవ్రత(Cold intensity) పెరిగి ప్రజలు ఇబ్బందులు పడుతున్నారు. రాష్ట్రంలో చిరు జల్లులు కురుస్తుండటంతో చలి తీవ్రత అధికమైంది. రాష్ట్ర వ్యాప్తంగా ఉష్ణోగ్రతలు ఒక్కసారిగా పడిపోయాయి.