నిధులు మంజూరు చేసిన రాష్ట్ర ప్రభుత్వం.. పనులు ప్రారంభించడమే ఆలస్యం

దిశ, తెలంగాణ బ్యూరో: వరంగల్​నగరంలోని భద్రకాళి చెరువు పూడికతీతకు రూ.11.16కోట్లను మంజూరు చేస్తూ ప్రభుత్వం ఉత్తర్వులు జారీ చేసింది. ఈ మేరకు శనివారం నీటిపారుదల శాఖ కార్యదర్శి రాహుల్​బొజ్జా ఆదేశాలు జారీ చేశారు. ఇందులో 1 నుంచి 3 బ్లాక్‌ల వరకు రూ.4.21కోట్లు, 4, 5 బ్లాక్ లకు రూ.6.95కోట్లు మంజూరు చేశారు. పూడికతీత ప్రాంతాన్ని రెవెన్యూ శాఖతో కలిసి నిర్ణయించాలని, న్యాయపరమైన సమస్యలు రాకుండా చూడాలని ఆదేశాల్లో పేర్కొన్నారు. ఎంత పూడిక తీయాలనేది శాస్త్రీయంగా నిర్ణయించాలని సూచించారు. పూడికతీత తీసే ప్రతి క్యూబిక్​మీటరు వివరాలను లెక్కించాలని సూచించారు. పూడిక తీత సయమంలో వీడియోగ్రఫీ, ఫోటోలు తీయాలని, వాటన్నంటిని భద్రపర్చాలని సూచించారు. ఇంజినీర్లు ఎప్పటికప్పుడు పర్యవేక్షణ చేయాలని ఆదేశించారు.