కొత్త క్రిమినల్ చట్టాలపై DGP జితేందర్ సమీక్ష

దిశ, తెలంగాణ బ్యూరో : 60 నుంచి 90 రోజుల్లోపు ఛార్జ్ షీట్లు దాఖలు చేసే ప్రక్రియను నిరంతరం పర్యవేక్షించాలని, భారతీయ నాగరిక్ సురక్షా సంహిత ( బీఎన్ఎస్ఎస్ ) చట్టాల సమయ పాలనను ఖచ్చితంగా పాటించాలని డీజీపీ జితేందర్ పోలీస్ అధికారులకు సూచించారు. ప్రాసిక్యూషన్ బృందంతో డీజీపీ కార్యాలయంలో శుక్రవారం సమావేశమయ్యారు. శిక్షా రేటును పెంచడానికి తీవ్రంగా కృషి చేయాలని డీజీపీ కోరారు. నూతన క్రిమినల్ చట్టాల కింద నమోదైన మొత్తం 607 కేసులను డీజీపీ సమీక్షించారు. మే 22, 2025 నాటికి బీఎన్ఎస్ కింద 1,37,644 కేసులను నమోదు చేసినట్లు, 1251 జీరో ఎఫ్ఐఆర్ లు నమోదు చేయబడ్డాయని తెలిపారు. నూతన క్రిమినల్ చట్టాల అమలు కమిటీ కన్వీనర్‌గా ఉన్న సీఐడీ డైరెక్టర్ జనరల్ శిఖా గోయెల్, చట్టాల అమలు స్థితిగతులపై ప్రజెంటేషన్ ఇచ్చారు. కొత్త క్రిమినల్ చట్టాల అమలులో భాగంగా చేపడుతున్న వివిధ కార్యకలాపాలను ఆమె వివరించారు. ఇన్వెస్టిగేషన్ సపోర్ట్ సెల్‌ను అప్‌గ్రేడ్ చేసినట్లు తెలిపారు. క్లౌడ్ టెలిఫోనీ తరచుగా అడిగే ప్రశ్నలు రిపోజిటరీని అమలు చేసినట్లు తెలిపారు.

దేశ సార్వభౌమాధికారం, ఐక్యత సమగ్రతను ప్రమాదంలో పడేయడం (బీఎన్ఎస్ సెక్షన్ 152), ఉగ్రవాదం (బీఎన్ఎస్ సెక్షన్ 113), మాబ్ లించింగ్ (బీఎన్ఎస్ సెక్షన్ 103 (2), వ్యవస్థీకృత నేరం (బీఎన్ఎస్ సెక్షన్ 111), శాశ్వత వైకల్యాన్ని కవర్ చేసే తీవ్రమైన గాయం, నిరంతర వృక్షసంపద. రాష్ట్రం (బీఎన్ఎస్ సెక్షన్ 117(3), స్నాచింగ్ (బీఎన్ఎస్ సెక్షన్ 304), వివాహం చేసుకుంటానని వాగ్దానం (బీఎన్ఎస్ సెక్షన్ 69), లింగ తటస్థత, సమాజ సేవ, నకిలీ వార్తలు, తప్పనిసరి కనీస శిక్ష ప్రజా ఆస్తికి నష్టం కలిగించడంలో గ్రేడెడ్ జరిమానా వంటి బీఎన్ఎస్ సెక్షన్ లో కొత్తగా సవరించిన చట్టాల పై అధికారలుకు అవగాహన కలిగించారు. సమీక్షా సమావేశంలో అడిషినల్ డీజీపీలు మహేష్ ఎం భగవత్, వి.వి.శ్రీనివాసరావు, డాక్టర్ అనిల్ కుమార్, ఐజీపీ మల్టీజోన్-I, ఎస్.చంద్ర శేఖర్ రెడ్డి, ఐజీపీ ఎం.రమేష్, డీఐజీ వుమెన్ సెఫ్టీ వింగ్ రెమా రాజేశ్వరి పాల్గొన్నారు.