కానిస్టేబుల్ అభ్యర్థులకు అలర్ట్.. మార్చి 2 నుంచి స్కిల్ టెస్ట్

దిశ, డైనమిక్ బ్యూరో: పోలీస్ రిక్రూట్మెంట్‌లో భాగంగా మార్చి 2 నుంచి కానిస్టేబుల్ అభ్యర్థులకు స్కిల్ టెస్ట్ నిర్వహించనున్నట్లు టీఎస్ఎల్పీఆర్బీ ప్రకటించింది. ఈవెంట్స్‌లో క్వాలీఫై అయిన వారికి పోలీసు నియామక మండలి స్కిల్ టెస్ట్ నిర్వహించనుంది. పోలీస్ ట్రాన్స్‌పోర్టు, ఆఫీసర్ మెకానిక్, డ్రైవర్లు, విపత్తు నిర్వాహణ విభాగంలో డ్రైవర్ అభ్యర్థులకు ఈ స్కిల్ టెస్ట్ నిర్వహించనుంది. దీనిని అంబర్‌పేట్‌లోని సీఏఆర్‌ హెడ్ క్వాటర్స్‌లో మార్చి 2 నుంచి 23 వరకు స్కిల్ పరీక్షలు నిర్వహించనున్నారు. ఈ నెల 25 ఉదయం 8 గంటల నుంచి 28 అర్ధరాత్రి వరకు ఈ పరీక్షకు సంబంధించిన అడ్మిట్ కార్డులను డౌన్లోడ్ చేసుకునేందుకు అవకాశం కల్పించినట్లు తెలిపింది.