మంచిర్యాల జిల్లా వాసికి మహాత్మా జాతీయ నంది పురస్కారం..

దిశ, మంచిర్యాల : మంచిర్యాల జిల్లా కేంద్రానికి చెందిన మారం రఘు యాదవ్ మహాత్మా జాతీయ నంది పురస్కారం అందుకున్నారు. భారత స్వాతంత్ర్య వజ్రోత్సవాలను పురస్కరించుకుని ఆదర్శ కళానిలయం ఆధ్వర్యంలో హైదరాబాద్ లోని డాక్టర్ దేవులపల్లి రామానుజరావు కళామందిర్ లో ఈ పురస్కారాన్ని తీసుకున్నారు.

రాజ్యసభ సభ్యులు, బీసీ సంక్షేమ సంఘం రాష్ట్ర అధ్యక్షుడు ఆర్. కృష్ణయ్య ఆయనను శాలువాతో సత్కరించి మహాత్మా జాతీయ నంది పురస్కారం అందజేశారు. ఈ కార్యక్రమంలో బీసీ సంఘం, మేకలు, గొర్రెలు పెంపకం వృత్తిదారుల సంఘం నాయకులు పాల్గొన్నారు. మహాత్మా జాతీయ నంది పురస్కారం అందుకున్న రఘు యాదవ్ ను పలువురు అభినందించారు.