మంచి రేవుల‌లో ఏసీబీ త‌నిఖీలు

దిశ, గండిపేట : నెల రోజుల క్రితం రూ.60 వేల లంచం తీసుకుంటూ ఏసీబీకి పట్టుబడ్డ వరంగల్ డిప్యూటీ కలెక్టర్ వెంకట్‌రెడ్డి వ్యవహారం మరింత మలుపు తిరిగింది. ఏసీబీ నిర్వహించిన లోతైన విచారణలో ఆయన భారీగా అక్రమ ఆస్తులు కూడబెట్టినట్లు సమాచారం లభించడంతో అధికారులు విస్తృత స్థాయిలో సోదాలు చేపట్టారు. ఇందులో భాగంగా బుధవారం ఉదయం నార్సింగి సర్కిల్ పరిధిలోని మంచిరేవులలోని వెంకట్‌రెడ్డి నివాసంతో పాటు ఆయనకు సంబంధించిన మరికొన్ని ప్రాంతాల్లో ఏసీబీ అధికారులు సోదాలు నిర్వహించారు. ఈ సోదాల్లో కీలక పత్రాలు, ఆస్తులకు సంబంధించిన ఆధారాలు లభించినట్లు తెలుస్తోంది. పూర్తి వివరాలను ఏసీబీ అధికారులు పరిశీలిస్తున్నట్లు సమాచారం.